Oбјавена книгата „Сликање со светлина“од проф.д-р Цветан Гавровски

Издавачката куќа „Матица македонска“ ја објави книгата „Сликање со светлина“ од проф. д-р Цветан Гавровски, национален мајстор на фотографијата и ЕФИАП на светската федерација на фотографска уметност. На 370 страници со двата циклуса, црно-бело и колор, во книгата се репродуцирани околу 200 фотографии со краток наратив. Трудот е на македонски и на англиски јазик со текст за авторско видување на креативната фотографија како ликовно изразно средство.

Гавровски е уметнички фотограф, со 40 години творечко присуство во светот создаден низ објективот на фотографскиот апарат и е еден од најекспонираните автори од Македонија. Тој ги открива тајните и на својот „фотографски ракопис“ и кои се неговите авторски стремежи. „Најмногу сакам преку фотографијата да ги прикажам атмосферата и времето. Тие  ја објаснуваат сегашноста. Утре најверојатно ќе бидат исправени пред барање да послужат како објаснување за една вистина, за едно време.“