Оглас за финансиска поддршка за поттикнување издавачка дејност и творештво

На седницата одржана на 18.5.2020  година, ИО на СЗПМ донесе одлука за финансиска поддршка за поттикнување издавачка дејност и творештво, во согласност со Програмата и Финансискиот план за 2021 година на Сојузот на здруженија на пензионери на Македонија. Според Правилникот на Сојузот за оваа активност:

• На огласот можат да се јават поединци, групи и здруженија.
• Може да се конкурира за: издавање на книги, концерти, театарски претстави, изложби, литературни митинзи и друго.
• Пријавите се земаат во СЗПМ или можат да се симнат од веб страницата на СЗПМ. преземете го формуларот ТУКА
• Пријавите треба да се потпишани од претседателот на здружението.
• Може да се конкурира само за еден проект, а приоритет ќе имаат автори и здруженија кои не добиле досега средства од Сојузот и дела и проекти со содржина поврзана со третата доба.
• Материјалите треба да бидат доставени во архивата на СЗПМ или по пошта на адреса:
  Сојуз на здруженија на пензионери на Македонија
  Булевар “Кочо Рацин” бр 14 , 1000 Скопје, П. Фах 440
  “За огласот за поддршка на проекти од културата и издавачка дејност за 2021 година на СЗПМ”.
• Нема да бидат разгледувани пријави: доставени по истекот на рокот на Огласот, нецелосно пополнети и некомплетни пријави без приложена документација која задолжително се бара во пријавата. Материјалите доставени на Огласот не се враќаат.

Огласот трае од 1 јуни до 25 јуни 2021 година, а резултатите ќе бидат објавени во весникот “Пензионер плус” и на веб страницата на СЗПМ.

ИО на СЗПМ