Програма

П Р О Г Р А М А

За работа на органите и телата на Здружението на пензионерите Тетово за 2025г.

Активностите кои се предвидуваат во 2025 година со оваа Програма, произлегуваат од целите и задачите на здружението утврдени со Статутот на здружението и Деловникот за работа на Собранието на Здружението.

Активностите на органите и телата на Здружението во 2025 година се програмираат во две насоки и тоа:

*АКТИВНОСТИ НА СОБРАНИЕТО НА ЗДРУЖЕНИЕТО, И

** АКТИВНОСТИ НА ИЗВРШНИОТ ОДБОР И НЕГОВИТЕ ПОМОШНИ ТЕЛА.

Активности на Собранието на Здружението.

Во 2025 година, се предвидува Собранието да одржи две редовни седници и тоа:

Првата од двете редовни седници ќе се одржи во периодот Февруари-Март и втората во периодот Ноември-Декември 2025 година.

На првата седница се предвидува да се разгледаат:

1. Усвојување на Завршната сметка за материјално финансиското работење на Здружението за 2024 година, и

2.Усвојување на Извештајот на Надзорниот одбор за извршена контрола на материјално финансиското работење на Здружението за 2024 година.

На втората седница на Собранието се предвидува да се разгледаат и усвојат:

1.Извештајот за работа на органите и телата на Здружението за 2025 година;

2.Програмта за работа за 2026 година и

3.Финансискиот план за материјално финансиското работење за 2026 година.

4.Разгледување и давање мислење по акти и иницијативи покренати од СЗПМ, а кои се во надлежност на Собранието.

 

Активности на Извршниот одбор и неговите помошни тела.

1.Заштита и унапредување на правата и интересите на пензионерите од областа на ПИО и здравствената заштита, преку:

_ следење на остварување на правата;

_ следење на прописите од областа на ПИО и Законот за здравство;

_давање мислење и предлози по иницијативите на СЗПМ за измена и дополнување на прописите од областа на ПИО , Закон за здруженија на граѓани или евентуалното донесување на посебен Закон за здруженија на пензионери.

Рок: преку целата година

2.Унапредување и развој на Здружението, преку:

_ организирање на членството и работата на ограноците како форма на делување;

_меѓусебно поврзување на ограноците и координирање на нивната работа,

_поврзување и соработка со други здруженија и сродни организации.

Рок: постојано

3.Посебна грижа за остварување на приходите и правилно располагање со нив, согласно финансискиот план, преку наменско користење и навремено исполнување на обврските према заедницата и други правни субјекти.

Рок: преку целата година

4.Создавање на услови за работа на ограноците заради подобро нивно функционирање и остварување на нивните активности и отворање на клубови според можностите во соработка со локалните самоуправи.

_Соодветна финансиска поддршка на активностите во ограноците во рамки на финансискиот план и можностите на Здружението во тековната година.

Рок: постојана задача

5.Следење на исплатата на пензиите и нивното редовно законско усогласување.

Рок: постојана задача

6.Организирање културно забавен живот, одмор и рекреација преку:

_припрема и учество на ревии- регионални и републички,

_Прослава на меѓународниот ден на жената 8-ми Март,

_Организирање на традиционалната мултиетничка средба во Тетово,

_ Учество на средби на пензионери од програмата на СЗПМ и други пензионерски средби по покана на здруженијата со кои имаме поблиска соработка,

_Изведување ексурзии во земјата и странство со целосна или делумна партиципација на Здружението и

_ Организирање на предновогодишната средба за нашето членство со 50% партиципација на Здружението.

Рок: се утврдува во програмата на соодветната комисија

7.Организирање и спроведување на спортски активности преку:

_ избор и припрема на пензионери спортисти по дисциплини кои се предвидени со Правилникот на СЗПМ,

_мерки и активности за опремување на спортските екипи, и

_учество на Регионални и Републички пензионерски спортски натпревари.

Рок: во текот на целата година

8.Дом на пензионери:

_Рационално искористување и грижа за просторот во Домот на пензионерите и дворните површини.

_Инвестиционо одржување на Домот на пензионерите со сопствени средства и донации од домашни и странски донатори-доградба и тековно одржување,

_Мерки и активности за разрешување на имотно правните односи за земјиштето доделено со правосилно решение на Општината,

_Грижа за обезбедување нормални услови на времено сместените пензионери, оспособување на постојните простории и редовно одржување на потребите за парно или друг вид затоплување, осветление, вода и други комунални потреби,

Рок: постојана задача

9.Доделување помош на пензионерите, согласно одлуката и утврдените критериуми.

_ Утврдениот иснос за доделување на помош на пензионерите согласно годишниот финансиски план да се реализира не само преку еднократна парична помош, туку и преку други видови на помош, социјални пакети, бесплатни ексурзии и друго.

Рок: Во текот на целата година

10.Поврзување и соработка со локалните самоуправи, преку:

_непосредни контакти со градоначалниците и претседавачите на советите на општините, и

_по можност реализирање на одредбите од потпишаните меморандуми за соработка со локалните самоуправи од нашиот регион.

11.Подобрување на информирањето на членовите преку весникот ,,Пензионер плус,, и ,,Коха,, како и непосредно информирање и други форми на информирање.

12.Организирање на трибини и друг вид на предавања од здравството и здравствената заштита на пензионерите, како и други области од интерес на пензионерите.

13.Остварување на соработка со други здруженија заради размена на искуства и усогласување на некои активности;

14.Учество во одбележување на значајни датуми и настани од нашето минато:

15.Други актуелни прашања по потреба:

Програмските активности од оваа Програма ќе ги реализира Извршниот одбор и неговите помошни тела.

За остварување на оваа Програма, потребните средства ќе се планираат со финансискиот план за 2025 година, а ќе се обезбедат поголемиот дел од сопствени извори и дел како донации од локалните самоуправи и други донатори.

Програмата е отворена и ќе бидат извршувани сите активности кои произлегуваат од тековното работење, актуелни прашања и други активности од интерес на Здружението.

Програмата влегува во сила со денот на донесувањето, а ќе се применува од 01.01.2025 година.

Предлагач: Извршен одбор

П р е т с е д а т е л,

Селвер Мемети